२०६६ साल » चैत्र महिना » मिथुन राशी
का कि कु घ ङ छ के को हा
यस महिनामा सूर्यले तपाईको राशिको तेस्रोस्थानको भ्रमण गर्दै हुनाले प्रसस्तै लाभ हुनुपर्ने हो । सम्पत्तिको लाभको योग छ । लक्ष्मीकृपा मिल्ला । सामाजिक प्रतिष्ठा बढ्ला । व्यापारमा सफलता मिल्ला । आफन्तले सक्दो मात्रामा सहयोग गर्लान् । भाइबन्धुबाट विछोड होला । तपाईमा अहंकार बढ्ला ।मंगल चौथो स्थानमा भएकोले तपाईलाई शत्रुबाधा पर्न सक्ला । व्यवसायमा सफलता सामान्य होला । स्थान भ्रष्ट हुन सक्ला । नोकरी छुट्न सक्ला । धनको अभावको पनि सम्भावना छ । बन्धुबाट दुःख होला । कामकाजमा मन जाला । रक्तचाप र पेटको रोगले दुःख देला ।७ गते पछाडि बुध चौथो स्थानमा जानाले मित्रसुख प्राप्त होला । देश विदेशको यात्राको सम्भावना छ । मान तथा यश बढ्ला । महिलाबाट अवश्य पनि सहयोग होला । काम सफल होला । केही शारिरिक अशान्तिका कारणले दैनिक जीवनमा पराधीन हुनुपर्ला । कुनै हल्का कामकाज सफल होला । अध्ययन, अध्यापनको काममा परिश्रम अनुसारको सफलता मिल्नेछ । परोपकारको कामले वा सामाजिक सेवाको कामले समाजमा सम्मान होला । आफन्तबाट पनि सहयोग मिल्ल सक्ला । मिठो बजचनले बिग्रिन लागेको काम पनि बन्ला ।
